மலேசிய பேட்மிண்டன் போட்டி சாய்னா ‘சாம்பியன்’

0
65
சாய்னா
Advertisement

மலேசிய மாஸ்டர்ஸ் கிராண்ட்பிரீ பேட்மிண்டன் போட்டி அங்குள்ள சரவாக் நகரில் நடந்தது. சாய்னா

இதில் நேற்று நடந்த பெண்கள் ஒற்றையர் பிரிவு இறுதிப்போட்டியில் உலக தர வரிசையில் 10-வது இடத்தில் இருக்கும் இந்திய வீராங்கனை சாய்னா நேவால், 67-வது இடத்தில் இருக்கும் 18 வயதான போர்ன்பவீ சோசுவோங்கை (தாய்லாந்து) எதிர்கொண்டார்.

முதல் செட்டில் தொடக்கம் முதலே முன்னிலை கண்ட போர்ன்பவீ ஒரு கட்டத்தில் 11-5 என்ற கணக்கில் வலுவான நிலையில் இருந்தார்.

பின்னர் சரிவில் இருந்து மீண்ட நேவால் 19-19 என்ற கணக்கில் சமநிலையை எட்டியதுடன் அந்த செட்டையும் தனதாக்கினார்.

2-வது செட் ஆட்டத்திலும் அனல் பறந்தது. முதலில் போர்ன்பவீ (3-0) முன்னிலை பெற்றாலும், அதனை  நீண்ட நேரம் நீடிக்கவிடவில்லை.

அபாரமாக தாக்குதல் ஆட்டத்தை தொடுத்த நேவால் 7-5 என்ற கணக்கில் முன்னிலை பெற்றார். இருப்பினும் போர்ன்பவீ தொடர்ந்து நேவால்க்கு சவாலாக விளங்கினார்.

இதன் காரணமாக 8-8, 11-11, 20-20 என்ற கணக்கில் இருவரும் சமநிலை வகித்தனர். கடைசி கட்டத்தில் சிறப்பாக செயல்பட்ட சாய்னா ஆட்டத்தை வெற்றிகரமாக முடித்தார்.

46 நிமிடம் நீடித்த இந்த ஆட்டத்தில் சாய்னா நேவால் 22-20, 22-20 என்ற நேர்செட்டில் போர்ன்பவீயை வீழ்த்தி சாம்பியன் பட்டத்தை கைப்பற்றினார்.

26 வயதான நேவால் ஒட்டுமொத்தத்தில் வென்ற 23-வது பட்டம் இதுவாகும்.

கடைசியாக கடந்த ஆண்டில் ஆஸ்திரேலிய ஓபன் பேட்மிண்டன் பட்டத்தை சுவைத்து இருந்த நேவால், முழங்காலில் செய்த ஆபரேஷனுக்கு பிறகு வெல்லும் முதல் பட்டம் இதுவாகும்.

இந்த பட்டம் சாய்னாவின் நம்பிக்கையை நிச்சயமாக அதிகரிப்பதாக இருக்கும் என்பதில் சந்தேகமில்லை.

Advertisement
SHARE